ادمز اتفاجئ: لوهان
قاطعه “لوهان” : انا مش عارف حصل ازاى وامتي وليه بجد .. اول مره شوفتها فى لندن حسيت بحاجه غريبه مفهمتش ايه دا ,,ولما اتكررت الصدف الاحساس بيزيد وبنجذب ليها اكتر ولما اتكلمت معاها قولت يمكن لما اعرفها الاحساس دا يختفي وارجع عادي لكن زاد عن المتوقع ,,انا دايما ببقي عاوز اكلمها وأشوفها ,, حاسس انها محتجالي وانا محتاجها فى وجودها بحس اني انسان كامل ولما بتكون بعيده بحس ان جزء كبير مني بعد ,, بعد تفكير كتير علشان افهم ايه الاحساس دا ملقتش غير معني واحد انا بحبها
_ انت فاهم كلامك دا معناه ايه ..وايه نتيجته ,,انت مستوعب الكارثه ..؟
_ بحبها
ادمز بنبره حاده : مينفعش يا “لوهان” مينفعش ,, فى اسباب كتير تمنع اللى انت بتقوله دا ..
قاطعه “لوهان”: علشان هى عربية ومسلمه ومن بلد وثثقافه وعادات مختلفه ..
_ الحكايه مش بسيطه كده ,, هى مسلمه ودينها محرم عليها ترتبط من غير دينها
_ انا بعامل “ريم” انها انسانه ,, انسانه عايشه الحياه ليها حقوق وحقها تعيش ,,مبفكرش فى اديان ولا عادات ولا تقاليد مدام مفيش غلط ولا مسبب ضرر لشخص اللى قدامي ,,انا عارف كل اللى بتقوله دا ومتقلقش دى مشكلتي وهحلها
_ واثق انك هتقدر ..
اتنهد وسكت “لوهان” : علاقتكم متنفعش تكون غير صداقه لان اللى عرفته من “مريم” عن “ريم” انها بتبعد اى شخص يقرب منها بهدف الارتباط بتبعد عنه بدون تفكير لانها مش سامحه غير بصداقه بس ..ف انت مفيش قدامك غير اختيارين اختار منهم ,,يا ترجع عن اللى بتفكر فيه وتفضلوا اصدقاء يا تبعد خالص علشانك وعلشانها يا “لوهان” فاهمني اكيد ..
لوهان سكت مش عرف يرد ع ادمز وتليفون ادمز رن وبعد يرد ,, كلام “ادمز” كان صريح وواضح حسس “لوهان” انه فى مهمه مستحيله ونظر ل “ريم”: مش هقدر ابعد عنها ..
بعد يومين رجعت “ريم” لندن ,, مر شهر ع رجوعها من “كوريا ” ورجعت لحياتها الروتينيه قاعده فى غرفتها وسماعات الهاند فري والميوزك او مع رامي ,, وهى قاعده فى يوم موابيلها رن وكان “لوهان” واتفاجئت انه فى لندن وطلب منها يشوفها هى و”رامي “,, وصلت هى و”رامي” للحديقه هايدي بارك واتجهت ع المكان اللى فيه “لوهان” ,, قضوا اليوم اتفقوا يدخلوا سينما وبعد اصرار من “لوهان” وافقت “ريم” تكرر تجربه السينما مره تانيه ,,دخلوا وكان سعيد “لوهان” بالاحساس اللى اتملكه و”ريم” ماسكه ايده وقت عرض الفيلم ,, انتهى الجزء الاول وخرجت “ريم” فى الاستراحه وكمل “لوهان” الفيلم مع “رامي” ,,خرجوا واتعشوا ورجعوا ع البيت وسافر “لوهان” كوريا …!
كانت “غادة” مسافره مع وجها لمصر فى اجازه ورجعت ,, عرفت “ريم” واتجهت اليها فى المستشفي ..:
_ طولتي المرادي يا دكتور فى مصر ..
_ اهل “عماد” عزمونا نقضي الاجازه معاهم ف الاقصر ..
_ والاقصر عامله ايه ؟
بتضحك “غادة”: بتسلم عليكي وحتشبسوت بتقولك ابقي تعالي بس ف الشتا الصيف لا هتتشوي
ريم ضحكت ,, ها طمنيني عليكي وايه الاخبار الحلوة اللى قولتيهالي فى التليفون ..؟
_كله تمام الحمد الله
_ يعني خلاص بقيتي تقدري تقعدي فى ضلمه ..؟
_ لا مش ضلمه اوى انا بحاول ومستمره فى محاولاتي
_ بس تقدري تدخلي سينما ودا شئ كويس جدااا
_ نوعا ما اه بس مبكملش ل اخر الوقت
_ المهم انك بدائتي وهتوصلي ,,بجد مبسوط انك وصلتي لكده
_ بصراحه اكتر شخص ساعدني وخضت تجربه السينما دى “لوهان”
_لوهان ..؟
_ ايوه … (حكت “ريم” ل “مريم” الكلام اللى قالو لوهان ليها فى السينما وشجعها )
_ كويس جدااا ..
_ وحصل موقف تاني فى حفله
(حكتلها لما اتخيلت لوهان وهديت وغاده مراقبه طريقه كلام “ريم” عن “لوهان” وابتسامتها الواضحه :
_ باين ان “لوهان” فعلا انسان كويس ومثقف كمان وشاطر انه بيساعدك ,,متاكده انه مغني مش طبيب نفساني ,,
ضحكت”ريم” : انا شكيت كذا مره لكن هو انسان فعلا بكل الصفات الجميله انا مببسوطه انى اعرف شخص زيه ودخل حياتي وفراغات كتير شغلها ..
_ع كده بقي مميز عندك ..
ب ابتسامه مشرقه : جداااا
– و “امير” اخباره ايه …؟
تغيرت ملامح “ريم”واتنهدت: بجد مش قادره افهم شخصيته واصراره هو وماما ورنا ,, مهما قولت يسكتوا فتره ويرجعوا يفتحوا كلام عن الموضوع ,,انا قولتلهم بوضوح مش عاوزه اتجوز ومع ذلك بيضغطوا بطريقه غريبه ,,و”امير” مش قادر يتخطي الفكره اللى كبر بيها ان انا وهو هنتجوز ,, ه ك اخ وصديق ممتاز لكن اكتر لا مش متخيلاه وقولتله لكن بدون فايدة بس اتمني يفهم قريب علشان ميضيعش عمره فى انتظار مجهول مش هيتحقق ..!
_نومك عامل ازاى وكوابيسك ..؟
_ بالمنوم وسماعات الهاند فري والكوابيس فترات مش دايما
_ تقدري تحدديلي امتي اكتر فتره محصلش كوابيس ؟
_ امممم لما بكون عند رنا فى كوريا ,, ممكن تقولى قليل جدا اشغل الهاند فري قبل ما انام وبنام ,,يمكن علشان بكون برا البيت طول اليوم خروج وحركة وبرجع تعبانه ومرهقه بنام ع طول
_ ممكن وممكن حاجه تانيه ..
_ حاجه ايه ..؟
_ بعدين لما اتاكد هقولك .. المهم قوليلي الدكتور “لوهان” صوته حلو ع كده ؟
ابتسمت “ريم” جدااا والميوزك روعه
_ جميل ,,, قوليلي مين من اصدقائك لما بتكوني معاه بتكوني مبسوطه ومش خايفه
بدون تفكير : لوهان .. ومريم وادمز
_ ليه ؟
_ علشان “لوهان” الوحيد اللى طمني وبيساعدني رغم مبطلبش ,,وبيستحمل عصبيتي وتحول مزاجي ,, محسسنيش انى غير طبيعيه ومسألش عن ايه اسبابي لرفضي لحاجات كتير ,,بيدورلي ع حلول ,, الوحيد اللى لما سكت ايده فى السينما مخفتش بالعكس اطمنت هو فعلا شخص مميز فى حياتي ..
_ انتي و”لوهان” اصدقاء بس …؟
_ ايوه .. فى حاجه ..؟
_ لالا مفيش ..انا سعيده بانك اتحسنتي اكتر وكل مره عاوزاكي تتحسني اكتر
_الحمد الله
خرجت “ريم” و”غادة” ع ملامحها علامات حيرة من علاقة “لوهان” وريم ,, مسكت ملف “ريم”:
_ اتمني يكون زى ما قولتي لان غير كده كل اللى اتبني هيتهد فى لحظه ..!بعد فترة عرفوا ان “رنا” حامل ولكن الدكتور طلب منها الراحة حتي لا يتكرر الاجهاض ,, فطلبت “رنا” “ريم” تقعد معاها فترة الحمل علشان متبقاش لوحدها و”فريد” ميقدرش يسيب شغله ووافقت “ريم” وكانت سعيدة بسفرها والاكتر كان “لوهان” لما عرف ,,, يوم وصول “ريم” كان يوم سفر “لوهان” لجوله غنائيه ,, وصلت “ريم” وكانت “مريم” فى انتظارها فى المطار ردجعت ع البيت وغيرت ملابسها و”لوهان” ارسلها رساله (حمد الله ع السلامه) ابتسمت “ريم” لرساله ,, دخلت “رنا” تطمن عليها لحظت ابتسامتها وهى بتسمع الميوزك ودا غير العاده محبتش تزعجها وخرجت تاني و”ريم” مكنتش حاسه بيها ..!
مر اسبوع ورجع “لوهان” كوريا واول حاجه عملها اول ما وصل المطار اتصل ب “ريم” :
_ الو .. لوهان
بالكوري : وحشتيني
_ ايه ..؟
_ ريم انا عاوز اقابلك انهارده الساعه 5 عند مرسم فى المطعم اتفقنا ..؟
_ اوووبس .. مش هقدر انزل من البيت لان “رنا” تعبانه شويا وفريد مش موجود
_ طيب بكره الصبح فى الحديقه كالعاده ..؟
_ معتقدش هقدر اليومين دول انزل لوقت ما يرجع “فريد” من السفر
_ ولا 10 دقائق بس ..
_ للاسف لا .. وبعدين الايام جايه كتير انا اجازتي هنا طويله 8 شهور لوقت ولاده “رنا” يعني هنشوف بعض كتير ,,
_ اوكيه ..
_ الرحله كانت كويسه
_ مش انا كلمتك قبل ما اسافر واتمنيتي الحظ ليا ف اكيد تكون من اروع الرحلات ليا
ريم بتضحك: مجامل اوى
بالكوري : وحشتيني اوي
_ لوهان مش سامعه بتقول حاجه ولا بتكلم حد معاك ..
_اها . هقفل وهكلمك تاني بكره
_ اوك ..باي
_ باي ..قفلت “ريم” وخرجت قعدت مع “رنا” تتفرج ع التليفزيون وصلت رساله من “لوهان” ( انا سعيد جدا ان سمعت صوتك تصبحي ع خير ) ابتسمت “ريم” ورجعت تشاهد التليفزيون وموبيل رن التفت اليه سريعا ع انه “لوهان” لكن كان “امير ” ,, نظرت للاسم متردده ع الرد لكن تذكرت ان فى حاله عدم ردها هيتصل ب “رنا” وهى نايمه ,, ردت :
_الو ..
_ ازيك يا روما وحشتيني
_ الحمد الله يا امير انت عامل ايه ؟
_ مشغول جدااا فى الشغل ادعيلي
_ ربنا يوفقك ..
_ انتي بتعملي حاجه معطلك ..
للحظه فكرت : ايوه كنت هعمل عصير ل “رنا” علشان علاجها موعده دلواقتي
_ امممم كنت حابب اتكلم معاكي شويا لكن مره تانيه تكوني فاضيه
_ اوكيه ..
_ تصبحي ع خير
_ باي ..
قفلت مع “امير” رن موابيلها :
_ ايه تاني يا “امير”
نظرت للموبيل وكان “لوهان”:
_ لوهان .. انت مش نايم دلواقتي
_ ممكن تنزلي 5 دقائق
_ فين انزل ..؟
_ مش بعيد فى الحديقه اللى قدام العماره وصديقني مش هتتاخري هما 5 دقائق بس
“ريم” متفاجئه من الحاحه : فى حاجه .. انت كويس ؟
_ انا بخير .. ممكن تنزلي انا فى انتظارك ..
دخلت غرفه “رنا” اطمنت انها نايمة ونزلت بهدؤء بسرعه وكان “لوهان” متخفي كالعاده بكاب وماسك :
_ لوهان .. فى ايه قلقتني
_ لا مفيش حاجه تقلق انا بخير وكل حاجه بخير
_ جيت فى الوقت دا واصريت انزل
_ بصراحه كنت عاوز اشوفك ل 5 دقائق بس ,, فكره انك موجوده فى نفس البلد واقدر اشوفك ومشوفتكيش مقدرتش اتقبلها ومعرفتش انام ..
ابتسمت “ريم”: خضيتني بجد ..
قدم ليها عصير : ممكن تقبلي تشربي معايا العصير قبل ال 5 دقائق ما تخلص
ابتسمت “ريم”: اوكيه ..
اتكلموا مع بعض لفتره قصيره :
_ انا مسافر ليومين اليابان وراجع عاوزه حاجه من هناك
_ لا شكرا ,, حفله ولا تصوير
_ فان ميتنج ومش هتاخر اكيد لان فى حفله هنا اخر الاسبوع
_ اممم .. بالتوفيق
_ تحبي تحضري الحفله
_ ينفع ..؟
_ اكيد ينفع ..
_ لكن انا مش هفهم حاجه انا معرفش كوري
_ لكن الميوزك هتوصلك احساس الكلمات و”مريم” هتيجى هى و”ادمز” هستناكي معاهم تمام ..
_ تمام .. شكرا ع الشوكليت الكتير دى
_ انا عارف انك بتحبي النوع دا ودى اول حاجه اشتريتها ليكي
_ ميرسي بجد
ابتسمت “ريم” وابتسم “لوهان” لما شاف ابتسامتها :
_ شكرا يا “ريم”
_ ع ايه انا اللى المفروض اشكرك ع العصير
_ شكرا انك وافقتي اشوفك حتى لو 5 دقائق متعرفيش ال 5 دقائق هيفرقوا معايا جداا شكرا بجد
_ يو ويلكم فى اى وقت ..
_ شكرا ..
واستاذن “لوهان” ومتحركش غير لما اطمن ان “ريم” طلعت الشقه وكانت سعيد بالهديه والوقت القصير اللى قعدت فيه مع “لوهان” …!
سافر “لوهان” ورجع وابتدا يجهز للحفله ,,وحضرت الحفله “ريم” مع “مريم” و”ادمز” وبعض من اصدقائهم ,,كانت اول مره تحضر حفله واعجبها تنظيم الحفل وبانرات مكتوب بالكوري وعرفت من “مريم” ان دا من نادي معجبين الفرقه وترجمتلها الكلام وكانت سعيده بطرق تعبيرهم عن حبهم وكانت قاعده فى الصفوف الاماميه علشان لما القاعه تضلم ميبقاش ظلام كامل زى باقي القاعه ,,حماس المشجعين مع بدايه الحفله خض “ريم” ولما شافت “لوهان” ع الاستيتج وشاور ليها ابتسمت ,, اتحمس “لوهان” بوجود “ريم” وابتدا يغني ونظرات دايما كانت اتجاه “ريم” .. خلصت الحفله ومن زحمه واقبال المعجبين معرفتش توصل ل “لوهان” ورجعت ع البيت .. دخلت غرفتها اتصل “لوهان:
_ ايه رأيك فى الحفله ..؟
_ كانت ممتعه جدا مكنتش اتخيل ان معجبينك كتير كده وحماسهم اه مفهتش الكلام لكن “مريم” كانت المترجم وحاولت تفهمني .. بس فعلا حفله مميزه ..
_ لانك كنتي موجوده الحفله كانت مميزة
بتضحك “ريم” : لو الفانز سمعوا انك حصرت الحفله فى شخص هيزعلو
_ انا واثق لو شافوكي وعرفوكي هيقولوا كده
سكتت “لحظه “ريم”: يلا نام علشان ترتاح من ارهاق الحفله ونتكلم بكره
_اوكيه تصبحي ع خير .
استمر “لوهان” بالسفر هو وفرقته لترويج الالبوم وكانت لضيق الوقت كان بيقابل “ريم” لوقت قصير لمده 5 دقائق فى حديقه امام منزلها ومعاه العصير وايس كريم والشوكلت المفضله ل “ريم” وكانت “ريم” بتكون سعيده بالوقت القليل دا .. كان دايما قبل كل حفله يتصل “لوهان” ب “ريم” وبعدها ويوميا اتصالاات هاتفيه وفيديو كول …كانت “ريم” لظروف “رنا” وسفر “فريد” كانت قليل الخروج و”غاده” دائما الاتصال ب “ريم” ل الاطمئنان ع حالتها وكمان تطمن ع علاقتها ب “لوهان” :
_ غاده مالك بتتصلي بيا كتير وبتكرري نفس السؤال وبرد نفس الاجابه ,, انا بخير جدااا ومفيش جديد متقلقيش اكيد لو فى حاجه هكلمك ..
_ ماهو دا اللى قلقني ..
_ ايه دا ..؟
_ ان يكون فى حاجه وانتي مش عارفه او مقولتليش عليها ..
بتضحك “ريم”: لا متقلقيش مفيش لان صعب يحصل حاجه ومقولش ليكي وانتي الوحيد اللى بتكلم وبحكلها كل حاجه مهما كانت ..
_ ولوهان ..؟
_ ماله ..؟
_ مش هو من المقربين ليكي ..؟
_ ايوه لكن انتي اقرب وكمان هو فى الفتره دى مش موجود فى كوريا بيسافر كتير مش فاضيلي يعني
_ اوكيه يا “ريم” ,,اتمني لو فى حاجه متتردديش وتحكيهالي
_ حاضر ..
قرب موعد ولاده “رنا” بعد شهر ,, وكان التوقيت فى كوريا فصل الشتاء وفى نهايه شهر 12 ,,اتفقت مريم” مع اصدقائها يقضوا يوم مع بعض يمارسوا رياضه التزحلق ع الثلج ,, متحمستش “ريم” للفكره لعدم وجود “لوهان” لسفره لكن “مريم” اصرت واافقت ,, نزلوا تاني يوم واتجهوا للمكان ومنظر الثلج كان مبهر ومريح ل الاعصاب ل ريم لكن كانت حاسه ب افتقادها حاجه مهمه و غمضت عينيها واتنهدت ورددت : لوهان ..
فى اللحظه دى شخص خبط ع كتفها والتفت واتفاجئت ب “لوهان”:
ابتسمت “ريم”: لوهان ,, انت جيت امتي ..؟
_ حالا ..انا قولت استحاله اسيبك لوحدك فى يوم زى دا ..
ابتسمت “ريم”: كنت بفكر فيك وبقول ياريت تكون هنا معانا
ابتسم “لوهان”: وانا سمعتك وجيت
_ بجد احلى مفاجاءه
_ انتي واقفه هنا ليه كده يلا نتزحلق زيهم
_ لالا انا مبعرفش وهقع وهيبقي شكلي وحش
مد ايده : هتقعي وانا موجود
ابتسمت “ريم” ومسكت ايده واتجهوا للمكان المخصص و”ريم” ماسمه ايد “لوهان” :
_ انا خايفه ..؟
_ غمضي عينك وعدى من 123 ومتسبيش ايدي
فعلا نفذت كلامه وهما نازليين صرخت “ريم” من الحركة وبتضحك فى نفس اللحظه وهما نازلين اتجنبوا صرخه واتقلبوا وقعوا ع ضهرهم وضحكت “ريم” ووجهها للسما وماسكه ايد “لوهان” وهى مش حاسه ومركزتش ,,, وهو عيون عليها وهى بتضحك ولحظت “ريم” وبصتله:
_ فى حاجه فى وشي ولا ايه ؟
شاور ايها ع السما : ضحكتك فرحت النجوم اليله
_ بلاش مجامله كده ..
_ بصي فى السما ( بصت ريم) شايفهم بينوروا وبيطفوا دا معناها انهم سعداء من ضحكتك اللى سمعوها وشافوها ..
اتحرجت “ريم” وهى بتنظر للنجوم :
_ ريم..
بصتله “ريم”: ايوه
بالكوري : بحبك
_ بتقول ايه ..؟
_ بقولك يلا بينا نقوم ..يلا
قعدت “ريم” لا انت بتضحك عليا كل مره بتكلمنى كوري ومش بفهم ,,انا هتعلم كوري
لوهان “ضحكك: وانا كمان كتير مبفهمش كلامك انتي ومريم ف انا هتعلم عربي
_ فكره تعالي نعلم بعض ايه رايك ..؟
_ فكره جميله موافق
_ تمام نرتبها مع بعض
_ اتفقنا
قضوا اليوم ورجعوا البيت ولحظت “رنا” و”فريد” التغيير الواضح ع “ريم” وابتسامتها الدايمة …!
مر “شهر وولدت “رنا” وكان حاضر “حنان” و”عاصم” و”رامي” معاها و”فريد” ,, وصلت “بنوته وسموها ملك” وكان الجميع سعداء ب العضو الجديد فى العائله … :
_ امير بيسلم عليكي يا رنا وبيعتذر انه مجاش لكن فى اقرب فرصه هيجي ويشوف “ملك”
_ الله يسلمه
“ريم” كانت شايله ملك” وبتلمسها بشويش وسعيده قرب منها “عاصم “:
_ انتي نفسك فى بنوته ولا ولد يا “ريم”؟
_ مش فاهمه ..؟
_ يعني بصي ملوكه قمر ازاى دى نعمه ربنا بيرزقنا بيها
_ طبعا واحلى نعمه
_ انتي مش نفسك يكون عندك بيبي زى القمر كده
سكتت “ريم”: احلى لحظه يا “ريم” لما تسمعي كلمه ماما صدقيني
لمست خد “ملك” ب طرف صوابعها : احلي لحظه مفيش شك ,,لكن قبل ما اسمع الكلمه دى يا تري هقدر اوفر ليها حياه طبيعيه علشان تطلع انسانه طبيعيه من غير مشاكل نفسيه زى مامتها ..
اتفاجئ “عاصم” من كلامها : ربنا قادر يا “ريم” ع كل شئ بيغير الحال فى لحظه
_ ونعمه بالله لكن انا مش هجازف علشان لحظه فرحه بسنين غامضه معرفش فيها ايه ليا ,, وايه ذنب اللى هتيجي او اللى هيجي ع الدنيا يعانوا ,, لما يبقي عندي ثقه فى نفسي انى هقدر احميها هاخد الخطوه دى اكيد ,, مش هسمح ل بنتي او ابني يمروا باللى عشته ولوقتنا هذا بحاول اخرج منه ..
رد “ريم” سكت الجميع من كلام “ريم” :
رامي قرب من ملك : يلا اكبري بقي علشان تقوليلي يا خالو
ضحكت “ريم”: يلا اسمعي كلام خالو واكبري بسرعه يا ملوكه
استمرت مقابلت “لوهان” و”ريم” فى الحديقه الصبح ومع “مريم” و”ادمز” بليل فى المطعم او يوم بره مع بعض او 5 دقائق امام العماره ,,,وغيرت “ريم” نوع الميوزك ل اغاني “لوهان” تسمعها بعد ما تبحث عن ترجمتها فى جوجل وتفهم معناها ,, اصبحت اغاني “لوهانط هى الميوزك اللى بتشغلها اغلب الوقت وبتنام ع صوته يوميا ,,, قرب الفلانتين وكانت الصبح مع “مريم”:
_ يلا بسرعه شاور فى السريع وننزل
_ ليه كده ..
_ معقول مش عارفه بكرة الفلانتين يا “روما”
_ اهااا
_ عاوزه اشتري هدية ل “ادمز” وانتي هتساعديني تمام ..
_ اوكيه
غيروا ملابسهم واتجهوا لشراء الهديه ودخلوا محل ساعات :
_ ايه رايك فى دى
_ جميله ..
_ طيب ايه رايك فى دى ..؟
_ جميله ..
مريم بملامح غضب : لا انا طلبت منك تنزلي معايا تساعديني يا “ريم” مش تحيرني اكتر
_ ما انا بساعدك اهو ,, قولتلك الهدية لما تكون بسيطة بتكون احلي
_ انا عارفه كده ,, لكن الفلانتين هنا مختلف شويا
ازاى يعني مش هى هدايا بتاخدوها من بعض ..؟
_ اممممم انا هشتري ل “ادمز” هديه فى الفلانتين دا هو بقي هيشتريلي هدية احسن منها لما يشوفها
|_ ازاى ..؟
_ اه صح انتي متعرفيش هنا الفلانتين ع ايام ,, اول واحد ودا خاص ب الاولاد هما اللى بيشتروا الهدايا للبنات ودا يوم 14/2 وبعدها بشهر بيجي اليوم الابيض اللى بيوافق 14/3 ودا الولاد بيشتروا فيه هدايا للبنات رد الهديه الاولي ولازم تكون اغلي واقيم واحسن ,, وفى الشهر اللى بعده 14/4 بيكون عيد السنجليز الغير مرتبطين بيلبسوا اسود وياكلوا نودلز بالفصوليا السودا اللى انتي اتخضيتي لما شوفتيها قبل كده والمطاعم بتعمل تخفيض ليهم …
ريم متفاجئه: بجد ..
_ زى ما بقولك كده .. يعني انتي يوم 14/4 هتاكلي النودلز لو فضلتي سينجل
ضحكت “ريم”: اول مره اعرف المعلومه دى
_ هنا فى كل شعر احتفال زى ماانتي بتشوفي كده
_ بجد حاجه جميله ..
_ يلا بقي نختار الهديه وركزي يا “روما” تمام ..؟
_ اوكيه ..
بعد ما اشتروا الهديه رجعوا ع المطعم ورجعت ع البيت واتصل “لوهان “:
_ سوري يا “روما” مقدرتش اجي ليكم
_ لا ابدا مفيش مشاكل المهم انت كويس
_ مرهق جداا جلسه التصوير طويله لسه مخلصتش
_ بالتوفيق ..
_ هتعملي ايه بكره ؟
_ امممم بصراحه مفكرتش لكن “ادمز” و”مريم” طلبوا مني اخرج معاهم ,, لكن انا حساها مش لطيفه وجودي معاهم وبكره الفلانتين يعني ..!
_ طيب ايه رأيك نخرج انا وانتي معاهم ونغلس عليهم
ريم بتضحك: ايه الشر دا وليه كده وبعدين انت قولت عندك حفله
_ لا الحفله يوم 16 مش 14 وبعدين انا سينجل وانتي سينجل هنخرج نتفرج ع الناس اللى بيحتفلوا ,,
“ريم” بتضحك: اوكيه ..
_ اشوفك بكره باي ..
تاني يوم قابلوا “لوهان” وكانوا هما الاربعه مع بعض و”لوهان” كان مع “ريم” و”ادمز” قعد مع “مريم”:
_ شايفه كميه الهدايا انهارده يوم البنات
_ يعني ايه ..؟
_ يعني الولاد هياخدوا كل الهدايا دى وهما راجعين ع البيت
_ اها .. ويوم 14 الشهر اللى جى البنات هتاخد الهدايا
_ انتي عارفه ..؟
_ مريم حكتلي ع قصه الاحتفالات دى وع يوم السينجل النودلز السوداء
لوهان “بيضحك”: ايوه ايوه انتي عارفه كل حاجه اهو ..
_ بجد البلد هنا جميله فكرع كل شهر احتفال دى حاجه مبهجه لشعبها بعيد عن الروتين والملل ,, يعني لندن مفيش غير الاحتفالات الرسميه والكريسماس والفلانتين بس ..
_ هنا بيدوروا ع السعاده والبهجه ,, المناسبات وتجمع الناس يعني سعاده ,, بصي حواليكي كلهم بيبتسموا ..كل حاجه وليها سبب ..
_ فعلا ..
_ لوهان ..
_ ايوه ..
_ عاوزه ايس كريم شوكلت دارك والفراوله بالبندق ممكن .؟
_ اكيه ثواني ..
اتجه “لوهان” لمحل الايس كريم واشتراه ورجع قعد ع ديسك يتفرجوا ع الناس وهما بياكلوا الايس كريم ..:
_ لوهان ..
_ ايوه
_ انت مش بتضايق من التخفي دا النظاره والكاب والماسك
_ لا بالعكس كده انا ع راحتي والمكان مفيش ازدحام ولا حاجه غير ملفت يعني , لو مكنتش عامل كده مكنتش هعرف اقعد دقيقتين وهنشغل فى تصوير وتوقيع ومش هقدر اقول لا ودا من حبهم ,, ف انا حبيت اكون ع راحتي لبعض الوقت معاكي …
_ انت مبتحبش الشهره .؟
_ لا بحبها بس ليها حدودها انا انسان وعاوز اعيش طبيعي ,, فى غيري عايش علشان الشهره لكن انا عايش علشاني ..
_ وجهه نظر ..
قرب ادمز و”مريم” نهم :
_ ريم ..؟
مركزه ريم فى الايس كريم : ايوه
_ انتي مشترتيش هديه لولد بتحبيه قبل كده ؟
_ لا طبعا اشتريت وكتير
اتفاجئ “لوهان”: مين ..؟
_ رامي طبعا
“لوهان” حط ايده ع صدره : ريم ..؟
وهى بتاكل الايس كريم : ايوه
_ ايه رايك نلعب لعبه ؟
بتبص الايس كريم ومشغوله : صراحه تاني اوكيه
_ لا نرتبط
